Friholdte områder og fritidsanlæg

Friholdt område

Immikkoortup ilaa siunertanut pinngortitaqarfittut sukisaarsaarfittullu atorneqarnissaa aalajangerneqarpoq.

Sukisaarsaarnermut tunngasunik atugassani annertunngitsuinnarnik nutaanik illuliortoqarlunilu atortulersuusiortoqarsinnaavoq.

Immikkut ittunik aalajangersagaqanngilaq 

Sumiiffik Aqqusineq Dronning Margrethe II-niit Unaamiillu aqqusineqassaaq. Sissaq sinerlugu qaartiterisoqarneratigut nunamilluunniit immersuinikkut nunaminertamik qulakkeerinnittoqassaaq.

Qooruartat sinerlugit aqqusineeraqarnissaa aamma qooruartat napillugit sisorartut aqqutissaat qulakkeerneqassapput. Sissami aqqusineeraq aallaaviatigut immamiit kote 10-mik qaffasinnerusumiissaaq.

Narlorissumik aammalu suluunnartut ilusilimmik mittarfiup tallilerneqarnerani mikkiartornermi qangattalernermilu qaavisa aporfeqanngitsoqarnerisigut mittarfiup eqqaani killeqarfiit aalajangersagartaqartinneqassapput. Immikkoortoq mittarfimmut aporfeqanngitsup ataaniippoq narlorissullu inissisimanerata ilaanut ilaalluni, tassanilu illut nunamiit illuliat nuuata tungaanut 127,5 qaangerlugu sanaartoqqusaanatik aqquserngillu sanaartorneqarnerini 121,5 qaangeqqusaanagu. Qaartiterutaasivimmut isumannaallisaanermut killeqarfeqarfimmut sumiiffiup ilaa ilaavoq. Sumiiffiup ilaa tamanna illuliorfigineqassanngilaq allatulluunniit killeqarfimmut aalajangersakkanut naapertuutinngitsumik atorneqassanngilaq. Qaartiterutaasiviup isumannaallisaanermut killigititaa sumiiffimmi angalanermi ataqqineqassaaq, taassumali ilaa ungaluneqarsimanngitsoq tamanut ammaannassaaq. Qaartiterutissaasivik allamut nuunneqarpat isumannaallisaassutitut killilersuut atorunnaassaaq.

Immikkut ittunik aalajangersagaqanngilaq