Boligområder

Blandet bolig

Immikkoortup inissialiornissamut siunertaqarluni, quleriinnik inissianik sanaartorfittut atorneqarnissaa aalajangerneqarpoq. Immikkoortup ilaa immikkuualuttunut 1-4-imut agguataarneqarpoq: Immikkuualuttoq 1: Inissiarsuit ataatsimoorussaqarfittallit aammalu silami pinnguartarfiit aneerasaartarfiillu qorsuusut. Immikkuualuttoq 2: Illut eqimasut pukkitsut kipparissut ataatsimoortitat, uigulukuttut sanileriiaat ataatsimoorussaqarfittallit aammalu silami pinnguartarfiit aneerasaartarfiillu qorsuusut. Immikkuualuttoq 3: Illut pukkitsut ammasut ataatsimoorussaqarfiusut aammalu silami pinnguartarfiit aneerasaartarfiillu qorsuusut. Immikkuualuttoq 4: Immikkoortoq tamanna inissiaqarfissatut immikkoortinneqassaaq, teknikkikkut atortulersuutinik pilersitsiffiusinnaasoq, ilaatigut imikumik sukuluiaaffimmik aniatitsivimmillu.

Quleriit sisamat tikillugit portutigisunik illuliortoqarsinnaavoq.

Immikkoortoq nunataqarpoq 4,5 ha missaanik angissusilimmik. Immikkoortoq 1000 m²-nik meeqqeriviliorfissamik inissaqarpoq, inissianillu 300-nik sanaartornissamut periarfissaqarluni sanaartukkat inaarutaasumik ilusilersorneqarnerat aalajangiisuulluni. Matuma qulaani sanaartorfissat atorneqareerpata, immikkoortoq tamakkerluni sanaartorfigineqareersutut sinneruttunillu inissaqartitsiffiunngitsutut isigineqalissaaq.

Immikkoortoq Siorarsiorfiup pingaarnertut aqqusernganiit aqqusineqassaaq – ilaatigut Qinngutsinni Aqqusineq Dronning Margrethe II-miit tallineqartumit aallartissalluni.

Immikkut ittunik aalajangersagaqanngilaq  

Mittarfiup eqqaani immikkut ittumik aalajangersagaqarpoq, mittarfiup tallissutaatut atuuttunik, nallarissup iluani aamma nunap immamit qatsinnerussusianut aalajangiussat iluanni mikkiartornermi qangattalernermilu akornutaasoqaqqunagu. Immikkoortortaq mittarfimmut akornutaasussaanngitsup ataaniippoq tassaalluni nallarissoq tassani illut sanaartukkallu immamit qatsinnerussusissaat assigiinngisitaarlutik, nunamit immap tungaanut qatsinnerulersinnaallutik.

Immikkut ittunik aalajangersagaqanngilaq