Centerområder

Centerområder

Sumiiffiup atorneqarnera qitiusoqarfimmi siunertanut illoqarfimmi pisariaqartut ilanngullugit aalajangersarneqassaaq, soorlu: Piniarfiit, namminersortut, (ussassaarusiornermik suliaqartartut, qarasaasialerisut, eqqartuussissuserisut, illussanik titartaasartut, ingeniørit, illunik tuniniaasartut, kukkunersiuisut assigisaalu), nakorsiartarfiit (kigutilerisoq, fodterapeut, tarnip pissusiinik ilisimasalik assigisaalu), kiffartuussiviit, pisortat allaffii, inissiat, hoteli, neriniartarfik, biilinik inissiisarfik teknikkimullu tunngasut pisariaqartut assigisaalu. Immikkoortoq inissianut assigiinngitsunut ataatsimoorfittalinnik, pinngortitami pinnguartarfiit aneertarfiillu ilanngullugit sanaartorfittut atorneqarsinnaavoq.

Quleriit sisamat angullugit portutigisunik illuliortoqarsinnaavoq.

Immikkoortoq 3,0 ha-it missaannik annertussuseqarpoq. Immikkoortoq 9000 m²-isut annertutigisumik sinneruttumik qitiusoqarfissamik inissianullu 50-inut inissaqarpoq, illut inaarutaasumik ilusilersorneqarnerat apeqqutaalluni. Matuma qulaani sanaartorfissat atorneqareerpata, immikkoortoq tamakkerluni sanaartorfigineqareersutut sinneruttunillu inissaqartitsiffiunngitsutut isigineqalissaaq.

Immikkoortoq Siorarsiorfiup pingaarnertut aqqusernganiit aqqusineqassaaq – ilaatigut Qinngutsinni Aqqusineq Dronning Margrethe II-miit aallartissalluni.

Immikkut ittunik aalajangersagaqanngilaq  

Immikkut ittumik killeqarfeqarpoq, mittarfiup tallilerneqarnerani mikkiartornermi qangattalernermilu killeqarfiit silarleq ilorlerlu atuupput akornutaasoqaqqunagu. Immikkoortoq mittarfimmut akornutaannginnissamut piumasaqaatinit appasinnerusumiippoq, piumasaqaateqarfiullu titarnerup silarliup (koniske flade) iluaniilluni, illut aamma atortulersuutit nunamiit uuttorlugu portunerpaaffii assigiinngillat killeqarfiulli ilorliup (horisontalfladen) avataaniillutik, tassa killeqarfiit ilorliup silarliullu akornaniillutik (positiv hældning).

Immikkut ittunik aalajangersagaqanngilaq