Centerområder

Centerområder

Sumiiffiup qiterisaqarfinnut ataatsimullu siunertanut soorlu niuernermut, pisortat namminersortullu sullissinerannut, inissianut, akunnittarfinnut, sutorniartarfinnut, pisortat allaffissornerannut, atuarfimmut, meeqqerivinnut, kulturikkut timersornikkullu atortorissaarutinut siunertanullu tamakkununnga assingusunut atugassiissutigineqarnissaa aalajangerneqarpoq.

Nunaminertap ilaa sanaartugartalimmik qiterisaqarfiuvoq. Nunaminertaq 3,5 ha-it missaannik annertutigaaq.

Nunaminertaq 15-it missaannik illutaqarpoq. Sanaartukkat nutaat 2-inik quleriinngorlugit sanaatorneqarsinnaapput.

Sumiiffimmi sukumiisumik nalilersuineq tunngavigalugu inissianik nutaanik ataasiakkaanik sanaartortoqarsinnaavoq.

Sumiiffimmit nunaqarfimmi sumiiffinnut atuuffinnullu allanut biilit qimussillu aqqutaatigut aamma aqqusineeqqakkut aqqusineqarnissaa qulakkeerneqassaaq.

B-108 aamma B-109 erigiasarialiupput. Illut taakku kommunalbestyrelse akuersiteqqaartinnagu isaterneqassanngillat silataaluunniit allanngortiterneqassanngillat.

Nunaminertaq tankeqarfiup eqqaani nunaminertamut isumannaallisaaffiusumut ilaatinneqarpoq. Nunaminertaq isumannaallisaaffiusoq tankeqarfiup avammut killeqarfianit tukimut 20 meterinik silissuseqarpoq. Nunaminertap taannartaa sanaartorfigineqassanngilaq allatulluunniit nunaminertaq pillugu aalajangersakkanut akerliusumik atorneqassanngilaq.

Immikkut ittunik aalajangersagaqanngilaq