Erhvervs- og havneområder

Erhvervsområder

Immikkoortup ilaa tunisasiorfittut, aalisakkanik suliffissuartut, assassornermik suliaqartutut, talittarfeqarfittut, quersuartut allaffittullu umiarsualiviup suliffeqarfiillu ingerlanneqarnissaannut pisariaqartinneqartunut inuussutissarsiutinut umiarsualivimmilu inuussutissarsiuteqarnernut atugassiissutaavoq – aamma ujaqqanik piiaaviugallartutut.

Nunaminertap ilaa inuussutissarsiuteqarfiullunilu umiarsualiveqarfiuvoq. Nunaminertaq 13,5 ha-it missaannik annertutigaaq aamma 3-it missaannik illutaqarpoq.

Immikkuuluttumi A-mi sanaartukkat portussiisa nunap qaanit illup portunerpaaffianut 20 meterit sinneqqassanngilaat. Immikkuualuttumi B-mi sanaartukkat portussiisa nunap qaanit illup portunerpaaffianut 20 meterit sinneqqassanngilaat. Immikkuualuttumi C-mi sanaartukkat portussiisa nunap qaanit illup portunerpaaffianut 20 meterit sinneqqassanngilaat. Immikkuualuttumi E-mi sanaartukkat portussiisa nunap qaanit illup portunerpaaffianut 20 meterit sinneqqassanngilaat.

Sumiiffimmi sanaartukkap inaarutaasumik iliusilersorneqarnissaa apeqqutaatillugu sumiiffimmi inissaq sinneruttoq 5.000 m2-inik annertussuseqarpoq. Matumani qulaani sanaartornissamut periarfissat taaneqartut atorneqareerpata sumiiffik sinneruttunik inissaarullugu tamakkerlugu sanaartorfigineqareersimassaaq. Immikkoortup ilaa 20B5 4,5 ha-it missaanniit 7,8 ha-inut allineqarpoq, ilaatigut kangerlummik immiinikkut pilersinneqarpoq.

Kangerlussussuup aamma Aalisakkeriviup akornanni aqquserniortoqassaaq. Asfaltiliorneq ilanngunnagu aqquserniorneq nunaminertamik atugassinneqarsimasup akilissavaa tamatumalu kingorna aqqusineq Kommuneqarfik Sermersuumut tunniunneqassaaq. Kiisalu aquserngup ilusilersorneqarnera kommunimi sanaartornermut immikkoortortamit akuersissutigineqassaaq.

Immikkut ittunik aalajangersagaqanngilaq

Mittarfiup eqqaani nunaminertat piumasaqaatitaqarfiusut aalajangersaaffigineqarput, soorlu mittarfiup takissusia eqqarsaatigalugu manissumik ilaatigullu qummut aamma qummut amiliartortumik ilaatigullu mittarfiup takissusia naapertorlugu mikkiartortarfik tingiartortarfillu aalajangersaaffigineqarsimapput. Nunaminertaq mittarfimmut miffissap akornutissaqanngitsup manissup ataaniippoq qummullu sammivimmut ilaatinneqarluni taamaattumik sanaartukkat atortulersuutillu portunerpaaffimmikkut 75,5-init portunerusut sanaartorneqassanngillat aamma aqquserngit 69,5-inik portunerusut sanaartoqqusaanngillat. Immikkoortup ilaani tankeqarfiup eqqaaniippoq nunaminertaq isumannaallisaaffiusoq. Nunaminertap isumannaallisaaffiusup iluani, taanna taneqarfiup avammut killeqarfianit nunaminertaq 20 meterisut annertussuseqarpoq, immikkut ittumik akuersisoqartinnagu illuliortoqarsinnaananilu inaalitsiviliortoqarsinnaanngilaq.

Immikkuualuttumi A-mi immikkoortunut marlunnut avillugu tunisassiorfiliortoqarsinnaavoq aamma talittarfik pisariaqartitsineq naapertorlugu allineqarsinnaavoq. Immikkuualuttumi C-mi talittarfiliortoqarsinnaavoq taannalu pisariaqartitsineq naapertorlugu allineqarsinnaavoq. Immikkuualuttuni B, C aamma D-mi suliffeqarfiit immikkut ittumik mingutsitsisut pilersinneqarsinnaapput. Immikkuualuttuni B, C aamma D-mi suliffeqarfinnik immikkut ittumik mingutsitsisunik pilersitsinissamut periarfissaqarpoq, Avatangiisit innarlitsaaliorneqarnissaannut Inatsisartut inatsisaat nr. 9, 22. novembari 2011-meersumi kapitali 5 takuuk.