Tekniske anlæg og infrastruktur

Tekniske anlæg

Immikkoortup ilaata teknikkimut siunertaqartunut soorlu telestationitut aamma kiassaateqarfittut atorneqarnissaa aalajangerneqarpoq.

Nunaminertaq teknikkikkut atortulersuuteqarfiuvoq. Nunaminertaq 0,4 ha-it missaannik annertutigaaq.

Sumiiffiup teknikkikkut siunertaqarfigineqartut ilaatut sanaartortoqarsinnaavoq atortulersuusersortoqarsinnaallunilu.

Immikkut ittunik aalajangersagaqanngilaq

Sumiiffik Augo Lyngip Aqqutaa-iminngaanniit aqqusineqarpoq.

B-94 erigiasarialiuvoq. Illu taanna kommunalbestyrelse akuersiteqqaartinnagu isaterneqassanngilaq silataaluunniit allanngortiterneqassanngilaq.

Mittarfiup eqqaani nunaminertat piumasaqaatitaqarfiusut aalajangersaaffigineqarput, soorlu mittarfiup takissusia eqqarsaatigalugu manissumik ilaatigullu qummut aamma qummut amiliartortumik ilaatigullu mittarfiup takissusia naapertorlugu mikkiartortarfik tingiartortarfillu aalajangersaaffigineqarsimapput. Nunaminertaq mittarfimmut miffissap akornutissaqanngitsup manissup ataaniippoq qummullu sammivimmut ilaatinneqarluni taamaattumik sanaartukkat atortulersuutillu portunerpaaffimmikkut 75,5-init portunerusut sanaartorneqassanngillat aamma aqquserngit 69,5-inik portunerusut sanaartoqqusaanngillat. Nunaminertaq telep atortulersuutaanut takunniffiusussamut ilaatinneqarpoq. Nunaminertaq takunniffiususssaq allanngorarpoq aammalu telemi atortulersuutit nunami inissisimanerat apeqqutaalluni allanngorartarpoq. Nunaminertap taannartaa sanaartorfigineqassanngilaq allatulluunniit nunaminertaq takunniffiusinnaasoq pillugu aalajangersakkanut akerliusumik atorneqassanngilaq. Nunaminertami tassani telep atortulersuutaata eqqaani 300 meterinik annertussuseqartoq pillugu aalajangersaasoqarsimavoq.

Immikkut ittunik aalajangersagaqanngilaq