Tasiilaq

Tasiilaq 1977-imiilli inuttuseriapiloorsimavoq 85 %-it sinnerlugit, ullumikkullu illoqarfimmi 2.000-it missiliorlugit najugaqarput. Taamaammat kangiata sineriaani illoqarfiit aallaavigigaat takuneqarsinnaavoq, sutigut tamatigut ineriartornermut qitiusoq, aammali attanneqarsinnaasumik inuttusiartornerup suliarinissaa annertuumik unammilligassaralugu.

Immikkoortuni ukunani periusissaq, qulequttat, illoqarfimmut qitiutinneqartut allaaserineqarput.

Inoqarfimmi inuiaqatigiit ilisarnaataat aaneqarsinnaavoq uani: tasiilaq_kal_ny.pdf

Tunumi nunaqarfiit

Tasiilap eqqaani nunaqarfiit siunissami neqeroorutit – pitsanngoriartortut – Tasiilamiittut pisariaqartinnerulissavaat. Taamaakkaluartoq aamma immikkut tamarmik assigiinngitsunik periarfissaqarnerat ersarippoq:

• Sermiligaap aamma Kuummiut ataatsimoorlutik aalisarneq annertuumik periarfissaqarfigivaat, Kuummiuni peqassuseq tunitsiveqarsinnaaneralu tunngavigalugit
• Isertoq sermersuarmut aqqutitut atorneqarpoq
• Tiilerilaaq nunami assissaqanngitsumi inissisimavoq

Ataatsimut piffissami aggersumi takornariaqarnermi periarfissat misissorlugit suliarineqassapput, Tunumilu Tasiilaq qiteralugu siunissami suliarineqarsinnaasut aallaavigalugit takornariaqarnerup ineriartortinneqarnissaanut suliniutit ataatsimoortumik pilersaarusiorlugit.

Immikkoortut ilaasa allannguiffigineri

Aalajangersakkat annikitsumik iluarsiivigineqarput, ilusaa Inatsisatut inatsisaat nr. 17-imi (pilersaarusiorneq aamma nunaminertamik atuineq pillugu inatsit) , § 20-mut naapertuuttunngorlugit. Aamma nalinginnaasumik aalajangersakkat aalajangersakkanut pingaarnernut sukumiisunut ilanngunneqarput.

Immikkoortut ilaasa killeqarfilerneri arlalitsigut allanngortinneqarput, qulequttanut pingasunut immikkoortinneqarlutik ataatsimoortinneqartunik:

• Immikkkoortut ilaanik iluarsiineq, immikkoortutut qitiutinneqarlutik toqqakkat kissaatigisatut ineriartortinnissaannut allanngortinnissaannullu tunngavissaqarnissaat qulakkeerumallugu.
• Sineriak sinerlugu ataqatigiissumik tamanut attaveqaateqarnissaanik tunngaviup qulakkerneqarnissaata malitsigisaanik iluarsiinerit.
• Nutarterinerit, pingaarnertut aalajangersakkat assigiingitsut pissutigalugit nutarterneqarsimanngitsunik.

Aalajangersakkat nalinginnaasut kommunimi illoqarfinnut, nunaqarfinnut asimullu tamanut atuupput. Aalajangersakkat nalinginnaasuupput aamma najukkami immikkoortut ilaanni pissutsinik eqqarsaatiginnittuunatik. Taamatut aalajangersagaqarnermi siunertarineqartut tassaapput innuttaasut tunngaviusumik aalajangersakkanik assigiinnik aamma illoqarfinni, nunaqarfinni asimilu assigiinnik atugassaqartitsilluni tunineqarnissaat. Aalajangersakkani nalinginnaasuni illoqarfinni tamani tigussaasunik pilersaarusiornerit nunaminertanillu aqutsinerit ataatsimut malittarisassiorneqarnissaat anguniagaavoq.​