Erhvervs- og havneområder

Nalinginnaasumik atuuffia: B – Inuussutissarsiornermut umiarsualiveqarnermullu siunertaq Immikkoortut inuussutissarsiutinut aammalu/imaluunniit umiarsualiveqarnermut siunertarineqartut allaffeqarfinnut, sanaartugassanik suliakkerneqartartunut, quersuarnut, sanasunut, sannavinnut, nioqqutissiornernut, assartuinernut, suliffissuarnut, uninngasuutaasivinnut, engrossimik niuertunut, tankeqarfimmut, aalisakkerivimmut, talittarfeqarnermut puttasunullu, amutsiveqarfinnut, usingiartunut, uninngasuutissanut teknikkikkullu sanaartukkanut siunertanut atorneqarsinnaapputtaaq. Nunaminertat sanaartorfiunngitsut ilisaajarsimassapput. Nunaminertap atorneqarnera avatangiisinut akornutaassappat, imaluunniit atorneqarnera allatigut aalajangiisuuppat, Kommunalbestyrelsimit piumasarineqarsinnaavoq immikkoortup ungaluusalersorneqassasoq.

Sanaartornermi quleriit marlunnik affarmillu portunerpaamik portussuseqassaaq.

Immikkoortoq 2,3 ha. missaani angissuseqarpoq. Immikkoortoq 9.000 m2 missaanni inissaqassuseqarpoq, sanaartukkalli inernera apeqqutaassaaq. Sanaartorfissaq kommunimut pilersaarummut tapiliussami atorneqareersimappat, allanut inissaqartitsinani tamakkiisumik sanaartorfiusutut naatsorsuunneqassaaq.

Immikkoortumi angallannermut tunngatillugu tankeqarfiup mittarfiullu eqqaani aqqusernit aqqutillu pioreersut atorlugit suliarineqassaaq.

Immikkoortoq helikopterip mittarfiata eqqaani assiaqutitaqanngitsumiippoq (timmisartuussisarfiup nalaani allatigullu aqqutaasut) – takuuk Ilanngussaq 1. Timmisartuussisarfiup nalaani illut sanaartugassallu allat kote 53,3 qaangissanngilaat. Aqqutaasut allatigut nunamiit portussutsit portunerpaaffissaat nikerarput timmisartuussinerullu tungaanut ungasissuseq apeqqutaalluni. Sumiiffiup ilaa tankeqarfiup eqqaani isumannaallisaanermut killeqarfiup iluaniippoq. Isumannaallisaanermut killeqarfik tankeqarfimmiit killeqarfiit avataanut 50 meterinik radiuseqarpoq, ilanngussaq 1 naapertorlugu. Sumiiffiup ilaa tamanna illuliorfigineqassanngilaq allatulluunniit killeqarfimmut aalajangersakkanut naapertuutinngitsumik atorneqassanngilaq.