37E7 - Iliveqarfiup eqqaani Telep atortulersuutai
37E7 (gl)
-
Siunertat
Tekniske anlæg og infrastruktur
-
Atorneqarnissaa nalinginnaasoq
Tekniske anlæg
-
Atorneqarnissaa
Immikkoortup ilaata teknikkimut siunertaqartunut soorlu telep atortulersuutaasiviatut atorneqarnissaa aalajangerneqarpoq.
-
Pissutsit pioreersut
Nunaqarfiup telekkut attaveqaateqarfia nunaminertamiippoq. Nunaminertaq 0,5 ha-it missaannik annertutigaaq.
-
Sanaartorfik
Sumiiffiup teknikkikkut siunertaqarfigineqartut ilaatut sanaartortoqarsinnaavoq atortulersuusersortoqarsinnaallunilu.
-
Inissaq sinneruttoq
Immikkut ittunik aalajangersagaqanngilaq
-
Angallanneq pilersuinerlu
Sumiiffimmit nunaqarfimmi sumiiffinnut atuuffinnullu allanut biilit qimussillu aqqutaatigut aamma aqqusineeqqakkut aqqusineqarnissaa qulakkeerneqassaaq.
-
Eqqissisimatitat allanngutsaaliukkallu
Immikkut ittunik aalajangersagaqanngilaq
-
Immikkut aalajangersaaffigisat
Mittarfiup eqqaani nunaminertat piumasaqaatitaqarfiusut aalajangersaaffigineqarput, soorlu mittarfiup takissusia eqqarsaatigalugu manissumik ilaatigullu qummut aamma qummut amiliartortumik ilaatigullu mittarfiup takissusia naapertorlugu mikkiartortarfik tingiartortarfillu aalajangersaaffigineqarsimapput. Nunaminertaq mittarfiup eqqaani akornuteqarani mikkiartortarfiup manissup iluaniippoq aammalu mikkiartortarfimmut tingiartortarfimmullu ilaatinneqarluni. Mittarfimmut ungasissutsit aamma mittarfiup qeqqaniit sanimorluinnaq ungasissuseq apeqqutaatillugit sanaartukkat atortulersuutillu aamma aqquserngit portussusissaat nikerartuupput.
-
Aalajangersakkat immikkut ittut
Immikkut ittunik aalajangersagaqanngilaq