Atuarnissaanut ilitsersuut

Uani kommunimut pilersaarutit pillugit nassuiaat atuarsinnaavat. Immikkoortut aallaqqaasiussat tassaapput:

• Pilersaarusiornerit pillugu nassuiaat, tassani manna tikillugu pingaarnernik pilersaarusiornerni pissutsit nassuiaatigineqarput
• Nunasseriaaseq nussoriaaserlu, tassani sumiiffinni sisamaasuni innuttaasut sumiiffiillu pillugit ilutsit pingaarnerit imminnullu tamarmik atassuteqartut allaaserineqarput

Soorlu Pilersaarusiornermi periusissiaq takuneqarsinnaasoq, kommunimut pilersaarutip ilaanik iluarsiissuteqartoqarnissaanut atatillugu kommunalbestyrelsip aalajangerpaa, kommunimut pilersaarummi taaneqartartoq ”pilersaarusiornermi inatsisinut tunngasut” misissorneqarlunilu paasinarnerusunngortinneqassaaq. Kommunimut pilersaarummut tunngasunik ingerlatsinermi misilittakkat arlallit tunngavigalugit tamanna aallaaveqarpoq. Tamanna isumaqarpoq, kommunimut pilersaarummi immikkoortut ilaanni ataasiakkaani atuinermut aalajangersakkat aamma nunaminertamik atugassiisarnermi aalajangersakkat misissorneqassasut, tassani siunertaalluni kommunimi tamarmi allaffi ssornikkut ingerlatsisarnerup ataasiunerusumik assigiinnerusumillu ingerlanneqartalernissaa.