Hytter, fritidshuse mv.

Nedlagte bygder

Sumiiffiup sunngiffimmi illuaqqanut illunullu aasarsiortarfinnut ukioq naallugu najugaqarfiusussaanngitsunut atugassiissutigineqarnissaa aalajangerneqarpoq. Sumiiffimmi killilinnik amerlassusilinnik takornarianut illuaqqanik illuaqqanillu piniariartarfinnik sanaartortoqarsinnaavoq, tamakku amerlassusiisa sumiiffimmi sunngiffimmi illuaqqanut illunullu aasarsiortarfinnut il.il. atugassiissutigineqarnera allanngortinngippatigit. Namminersorluni ingerlatanut atorneqarsinnaasunik inuussutissarsiuteqarfinnik mikinerusunik soorlu panersiivinnik, pujoorivinnik, naatsiivilerinernut assigisaannillu, tamakku nammineq atugassaappata, pilersitsisoqarsinnaavoq. Atortut tamakku illuaqqanut ataasiakkaanut atatillugit pilersinneqassapput.

Nunaminertaq nunaqarfikuuvoq illoqarfittut sanaartugartalik. Aqqusiortoqarsimavoq teknikkikkullu atortulersuisoqarsimalluni.

Illuaqqat nutaat illuaqqamut qaninnerpaamut minnerpaamik 60 meterinik ungasitsigisukkut sanaartorneqassapput. Sunngiffimmi illuaqqat illullu aasarsiortarfiit portunerpaaffimmikkut aappaa avillugu quleriinngorlugit, tassa qalia atorlugu aamma illup portunerpaaffissaanit 6 meterinit portunerutinnagit sanaartorneqassapput. Atuartut tammaarsimaartarfissaat portunerpaaffimmikkut pingajuat avillugu quleriillit sanaartorneqarsinnaapput aamma illut portunerpaaffianut 8,5 meterit sinneqqusaanngillat. Illuaqqat nutaat tunngaveqarfiat annerpaamik 40 m²-iussapput. Toqqaaviit pukkinnerpaaffimmikkut 1 meterinik portussuseqassapput. Sanaartukkat avatangiisinut takussunarsaataannginniassammata ingerlaavartumik aserfallatsaaliorneqassapput.

Sumiiffik 69 ha-it missaannik annertussuseqarpoq. Sumiiffimmi inissani sinneruttuni illuaqqat 10-it inissaqarput, tamakku inaarutaasumik ilusilersorneqarnerat apeqqutaatillugu. Matuma qulaani sanaartornissamut periarfissat taaneqartut atorneqareerpata sumiiffik sinneruttunik inissaarullugu tamakkerlutu sanaartorfigineqareersimassaaq.

Aqqusernit pioreersut, aqqutaareersut, aqqusineeraareersut puttasooreersullu aserfallatsaaliorneqassapput allilerneqarlutillu. Teknikkikkut pilersuutit illuaqqanut ataasiakkaanut attuumassutilittut immikkoortutut atortulersuutinik taamaallaat ikkussuisoqarsinnaavoq. Tamakku assersuutigalugu tassaasinnaapput innaallagissiuutit generatorit, seqinisaatit atortulluunniit allat nukissiornermut atortut. Atortut mikinerusut allat atorneqartillutik eqqaamiunut nipimik, putsumik, tipimik, sajuppillattarnernik allatulluunnit akornutaasinnaajunnaarlugit taamaallaat ikkussuunneqarsinnaapput. Eqqakkat aalajangersimasut ikuallanneqanngikkunik nassarneqartassapput. Illunut pinngortitamulluunniit eqqaamiorisanut akornutaanngitsumik ikuallaasoqassaaq. Anartarfilerinernut anartarfiit spanditaat, imaat immamut toqqaannartumik iginneqartartut imaluunniit allanut avatangiisinulluunniit akornutaanngitsumik allamut kuutsinneqartartut, atorneqarsinnaapput. Assersuutigalugu illuni nusuinnartakkanik perusuersartarfilinni imikoq aamma taamatut kuutsinneqassaaq.

Immikkut ittunik aalajangersagaqanngilaq

Immikkut ittunik aalajangersagaqanngilaq

Immikkut ittunik aalajangersagaqanngilaq