Eqqaani nunaqarfinniit 2006-imiilli nutsernerup kingorna Ittoqqortoormiit nutaamik atugassatigut tunngaveqalersimavoq annertuumik illoqarfimmiut nutsernerulersimallutik. Avinngarusimasumi inissisimanermigut, inoqarfimmut qaninnermut illoqarfik 800 kilometerinik ungasitsigisumi, kommunimi nunaqarfinnut unalligassaqarnerpaanut ilaavoq. Tamatuma kinguneranik piffissami aggersumi ileqqut malillugit kommunimut pilersaarusiorneq assut killilimmik pisinnaavoq.
Illoqarfimmut periusissaq periarfissat tunngavigalugit inuiaqatigiit imminnut napatittut attatiinnarumallugit ineriartortikkumallugillu aallaaveqarpoq, ukuninngalu imaqarluni:
- Siullermik ”inerisitat atsissumiittut” suliassat arlallit ilisimaneqartut – illoqarfiup qeqqani illut allanngutsaaliugassat marluk iluarsaanneqartariaqarput, allallu sanaartugassat soorlu qerititsivik, ungdomsklub puttasumullu ikaartarfik nutaaq aallartinneqartariaqarput
- Inuuniarnermi periarfissat aamma illoqarfiup avatangiisaata pitsanngornerisigut nunaqarfinnut politikkit Ittoqqortoormiunut aamma atuutissapput
- Iliuuseqarnermut ilutigitillugu nunassittariaaseq pillugu misissueqqissaarneq aallartinneqassaaq, illoqarfiup aamma ungasinnerusoq isigalugu imminut napatiinnarnissaanut periarfissat paasiumallugit
- Nunap eqqissisimatitap eqqaani, Ittoqqortoormiuni, Jørn Riel Landimi aamma sakkortuunut takornariaqartitsineq pillugit takornariaqarnikkut periarfissat paasiniarneqassapput pitsaanerpaamillu atorneqarlutik
- Piniarnermi aalisarnermilu periarfissat misissorneqassapput pitsanngorsarneqarlutillu.