Illoqarfiup immikkoortui qitiutinneqartut tassaapput nunap immikkoortui, tamaani maannakkut ineriartorfiusinnaasutut oqaluuserisassaasut, aamma kommuneqarfimmit naliliiffigineqartut kommunimut pilersaarusiornissami immikkut pilersaarusiorfigineqarnissamut qitiutinnissamik pisariaqartitsisut. Illoqarfiup immikkoortui qitiutinneqartut maannakkut illoqarfioreersup eqikkarneqarneqarnissaanut ataatsimut pilersaarusiornissamit aallaaveqarpoq. Tulliuttut illoqarfiup qeqqani immikkoortortut qitiutinneqartussatut toqqagaapput:
Kalaallit Nunaanni illoqarfiup qeqqa
Pilersaarusiorfiusumi kingullermi Nuup qeqqani suliniutit annertuut tulleriiaat ingerlanneqarput. Tuujuk aamma blok P-p eqqaa pillugu suliarpassuaqarpoq, aamma Imaneq sinerlugu illoqarfiup tamanit ornigarneqarsinnaanerata pitsaanerulersinnissaa annertuumik qitiutinneqarpoq. Piffissami aggersumi illoqarfiup qeqqa tamakkiisoq illoqarfiup immikkoortuatut qitiutinneqaannassaaq, illoqarfimmi inuunerup, ataatsimoornera aamma periarfissaqarnera – minnerunngitsumik Nuutoqqamit Sipisaq Avannarlermut oqaluttuarisaanermi pingaaruteqartoq eqqarsaatigalugu – taakku sammisaapput illoqarfiup isikkuata oqaluuserineqarnerani pingaaruteqartut.
Illoqarfiup qeqqa immikkoortullu qitiutitat pingasut: 1. Imaneq; 2. Tuujummut aamma Blok P-p eqqaanut ataatsimoortumik pilersaarut; 3. Tasersuup eqqaani narsaamaneq. Tikkuutit isikkiviup ingerlaarfii takutinneqarput, illoqarfiup ineriartortinneqarnerani allanngutsaalisassat. Titarnerup aappalaartup Nuup saavaniit umiarsualivimmut oqaluttuarisaanermut attuumassutillip ingerlaarfia.
Illoqarfiup qeqqa immikkoortullu qitiutitat pingasut: 1. Imaneq; 2. Tuujummut aamma Blok P-p eqqaanut ataatsimoortumik pilersaarut; 3. Tasersuup eqqaani narsaamaneq. Tikkuutit isikkiviup ingerlaarfii takutinneqarput, illoqarfiup ineriartortinneqarnerani allanngutsaalisassat. Titarnerup aappalaartup Nuup saavaniit umiarsualivimmut oqaluttuarisaanermut attuumassutillip ingerlaarfia.