Qinngutta alliartortinneqarnera ukiuni arlaqalereersuni ingerlanneqarpoq - Nuummi illoqarfiup immikkoortua nutaanerpaaq. Sanaartukkat siulliit 2000-mi illussanik titartaasartut unammitinneqarnerat tunngavigalugu aallartinneqarput, ukiullu marluk kingulliit ingerlanerini umiatsialiviup kujataata tungaaniittut immikkoortut siulliit piviusunngortinneqarput. Maannakkut illoqarfiup immikkoortuanut ingerlalluartumut tunngavissat pilersinneqareerput. Illut arlallit sananeqarput, atuarfik nutaaq ammarneqarpot aamma pisiniarfiit tamaani pigineqalerlutik.
Qinngutta Nuummi illoqarfiup immikkoortortaatut ataatsimoortutut nutaanerpaatut ineriartortinneqarnissaa qitiutinneqarniarpoq aamma illoqarfiup alliartortinneqarnerat piffissami taanna kisimiissaaq. Piffissami aggersumi illoqarfiup immikkoortua kujammut aqquserngup nutaap, maannakkut sananeqartup, eqqaatigut tulleriaakkanik alliartortinneqassaaq. Umiatsialiviup kujataani sumiiffiit sanaartorfigineqarneranni sumiiffiup nunataa assigiinngiaartoq piuinnartinneqassaaq sanaartorfiit aamma nuna atorneqanngitsoq akuleriiaarlugit. Nunami atorneqanngitsumi aqqusineeqqatigut tamanna ataatsimoortinneqassaaq. Sanaartukkat ataatsimut isigalugit imminnut qanissapput quleriiaat marlunniit arfinilinnut assigiinngiaassallutik.
Illoqarfimmi angallatinut inissat suli piumaneqarnerat annertuvoq, tamatumunngalu atugassatut atuarfiup nutaap qaqqallu akornanniittoq narsaamaneq assut tulluartuuvoq. Taamaattumik piffissami aggersumi tassani angallatinut ataatsimoortumik inissiiffissap piareersarneqassaaq, angallatit umiatsialivimmiit siunissami angallatit nuannaariartaatit talittarfissaatut ineriartortinneqartussamiit ingerlanneqarsinnaallutik.
Naatsorsuutigineqarpoq illoqarfiup immikkoortua tamanna 2017-imi sanaartorfigalugu naammassinissaa, inissianut atorneqartut kujammut nuummut siammarsimassallutik. Piffissaq tamanna tikinneqarpat illoqarfiup ineriartornissaanut pilersaarut tunngavigalugu aalajangerneqarsinnaassaaq, aqqusineq Siorarsiorfimmut nanginneqassanersoq taassuma ilaa sullorsualiaralugu.
Qinngorput: Aappalaartumik sinilik: qiterisaqarfik, qasertoq taartoq: sanaartukkat, qernertumik sinilik: sanaartugassat napparneqanngitsut, aappalaartumik toortarnernik sinilik: qaqqaq qarajarlugu haliliassatut /umiatsialivissatut siunnersuut
4A6 – Etape 1: 2013-2014
4A7 – Etape 2: 2014-2015
4A9 – Etape 3: 2015-2016
4A8 – Etape 4: 2016-2017
Qinngorput: Aappalaartumik sinilik: qiterisaqarfik, qasertoq taartoq: sanaartukkat, qernertumik sinilik: sanaartugassat napparneqanngitsut, aappalaartumik toortarnernik sinilik: qaqqaq qarajarlugu haliliassatut /umiatsialivissatut siunnersuut
4A6 – Etape 1: 2013-2014
4A7 – Etape 2: 2014-2015
4A9 – Etape 3: 2015-2016
4A8 – Etape 4: 2016-2017