Kuummiut

Kommunalbestyrelsip piffissami pilersaarusiorfissami suliassai:

• Inissiat iluarsaanneqarnissaannik aamma innuttaasut peqataatillugit ingerlaavartumik aserfallatsaaliornissaannik sulissuteqarnissaq
• Nunaqarfiit taakku marluk aalisakkanik tunitsiveqarnikkut suliarinneqqaarfeqarnikkullu ineriartortinneqarnissaasa ingerlatiinnarnissaa

Tasiilap eqqaani nunaqarfinni Kuummiut anginersaavoq, taanna Tasiilap avannamut kangianiippoq – Ammassallip kangerluata kangiani.

Inoqarfimmi inuiaqatigiit ilisarnaataat uani aaneqarsinnaavoq: kuumiut_kal_ny.pdf

Immikkoortut ilaannik allannguineq

Aalajangersakkat annikitsumik iluarsiivigineqarput, ilusaa Inatsisatut inatsisaat nr. 17-imi (pilersaarusiorneq aamma nunaminertamik atuineq pillugu inatsit) , § 20-mut naapertuuttunngorlugit. Aamma nalinginnaasumik aalajangersakkat aalajangersakkanut pingaarnernut sukumiisunut ilanngunneqarput.

Immikkoortut ilaasa killeqarfilerneri arlalitsigut allanngortinneqarput, qulequttanut pingasunut immikkoortinneqarlutik ataatsimoortinneqartunik:

• Immikkkoortut ilaanik iluarsiineq, immikkoortutut qitiutinneqarlutik toqqakkat kissaatigisatut ineriartortinnissaannut allanngortinnissaannullu tunngavissaqarnissaat qulakkeerumallugu.
• Sineriak sinerlugu ataqatigiissumik tamanut attaveqaateqarnissaanik tunngaviup qulakkerneqarnissaata malitsigisaanik iluarsiinerit.
• Nutarterinerit, pingaarnertut aalajangersakkat assigiingitsut pissutigalugit nutarterneqarsimanngitsunik.

Aalajangersakkat nalinginnaasut kommunimi illoqarfinnut, nunaqarfinnut asimullu tamanut atuupput. Aalajangersakkat nalinginnaasuupput aamma najukkami immikkoortut ilaanni pissutsinik eqqarsaatiginnittuunatik. Taamatut aalajangersagaqarnermi siunertarineqartut tassaapput innuttaasut tunngaviusumik aalajangersakkanik assigiinnik aamma illoqarfinni, nunaqarfinni asimilu assigiinnik atugassaqartitsilluni tunineqarnissaat. Aalajangersakkani nalinginnaasuni illoqarfinni tamani tigussaasunik pilersaarusiornerit nunaminertanillu aqutsinerit ataatsimut malittarisassiorneqarnissaat anguniagaavoq.